საქართველოში უკვე დიდი ხანია ანონსდება, რომ კორონავირუსთან ბრძოლისთვის „რემდესივირი“ გვექნება. მისი შეძენა აფთიაქში ვერ მოხერხდება. მისი მიღება მხოლოდ მკურნალი ექიმის გადაწყვეტილებით იქნება შესაძლებელი.
თუმცა არიან ექსპერტები, რომლებიც ამბობენ, რომ წამალი ეფექტიანი არაა. პროფესორი გიორგი ფხაკაძე, საზოგადოებრივი ჯანდაცვის ექსპერტი გაეროს გენერალური მდივნის და ვაქცინებისა და იმუნიზაციების გლობალური ალიანსის (GAVI) მრჩეველი, მიიჩნევს, რომ ათასების „რემდესივირში“ დახარჯვა სისულელეა.
წამალზე, რომელსაც ბევრი ერთადერთ იმედად მიიჩნევს, „ფორტუნა“ გიორგი ფხაკაძეს ესაუბრა.
