მთავარი მიზეზი, თუ რატომ ვზრუნავთ ძილის ხარისხზე ის არის, რომ ღამით კარგი ძილიგვეხმარება გაღვიძებისას თავი ცოცხლად და ახალგაზრდულად ვიგრძნოთ. თუ ამჩნევთ, რომ ღამით ვერ ისვენებთ და გამუდამებით წრიალებთ, უმჯობესია კვების რაციონს მიხედოთ. თუ სასწრაფოდ გჭირდებათ აღნიშნული პრობლემის გამოსწორება, მაშინ გირჩევთ შემდეგ საკვებ პროდუქტებს, რომელიც მეცნიერულად დადასტურებულია, რომ ძილის ხარისხის გაუმჯობესებას უწყობს ხელს:
1. ალუბალი
ალუბალი ან ალუბლის წვენი შეგიმსუბუქებს შფოთვით ძილს, მასში შემცველი მელატონინის მაღალი კონცენტრაციის გამო. მელატონინი ეს არის ჰორმონი რომელიც ხელს უწყობს ჩაძინების პროცესს. ჟურნალ “European Journal of Nutrition”–ის მიხედვით, ჩატარებულმა კვლევამ აჩვენა, რომ ალუბლის წვენის დალევა მნიშვნელოვნად აუმჯობესებს საერთო ძილის ხანგრძლივობასა და ეფექტურობას. ალუბლის წვენს ასევე დიდი როლი უჭირავს უძილობის შემსუბუქებაში.
2. ალაოს რძე
ალაოს რძე, როგორიცაა Horlick’s საღამოს დამამშვიდებელ სასმელად დიდი ხანია გამოიყენება. მიზეზი ისაა, რომ ალაოს ქერი რთული ნახშირწყალია და შეიცავს B და D ვიტამინებს, რაც, სავარაუდოდ, ხელს უწყობს ძილს. ბრიტანულ სამედიცინო ჟურნალში გამოქვეყნებულმა კვლევამ აჩვენა, რომ მონაწილეებს, რომლებიც სვამდნენ Horlick-ს ძილის წინ, უფრო დიდხანს ეძინათ და არ განიცდიდნენ შფოთვას ღამით.
3. კივი
კიდევ ერთი ხილი, რომელიც მშვიდად დაძინებაში დაგეხმარებათ, არის კივი, რომელიც მდიდარია ვიტამინებითა და მინერალებით. არაერთმა სამეცნიერო კვლევამ აჩვენა, რომ კივი ხელს უწყობსძილს. ერთ-ერთი კველევის თანახმად დადგინდა,რომ ძილის წინ ერთი საათით ადრე ორი კივის მირთმევა აუმჯობესებს ჩაძინების პროცესსა და ხანგრძლივობას. ვინაიდან იგი შეიცავს სეროტონინს, ჰორმონს, რომელიც აუმჯობესებს ძილს.
4. ცხიმიანი თევზი
ვინაიდან ცხიმიანი თევზი შეიცავს ომეგა -3-ს, მას უამრავი ჯანმრთელობისთვის სასარგებლო თვისებაგააჩნია, მათ შორის ტვინისა და გულის ჯანმრთელობის გაძლიერება. ჟურნალში “Clinical Sleep Medicine” გამოქვეყნებულმა კვლევამ აჩვენა, რომ მონაწილეები, რომლებიც ორაგულს კვირაში სამჯერ მიირთმევდნენ, ძილში უფრო დადებით ცვლილებებსგანიცდიდნენ, ვიდრე საკონტროლო ჯგუფი.აღსანიშნავია, რომ ცხიმიან თევზებს მიეკუთვნება ტუნა, კალმახი და სკუმბრია.
5. თხილეულობა
თხილეულობა, განსაკუთრებით ნუში და ნიგოზი ითვლება ძილისთვის კარგ საკვებად, ისევ და ისევ ომეგა -3-ისა და მაგნიუმის შემცველობის გამო, რომელიც განტვირთვის წყაროდ ითვლება. ამასთან, ერთხელ თაგვებზე ჩატარებულმა კვლევამ აჩვენა, რომ ნიგოზს შეუძლია გაზარდოს ძილის ხანგრძლივობა.
6. ინდაური
ინდაური შეიცავს ამინომჟავას ტრიპტოფანს, რომელიც ზრდის მელატონინის გამომუშავებას და ძილიანობის შეგრძნებას იწვევს. რამდენიმე კვლევამ გამოავლინა კავშირი ტრიპტოფანსა და ძილის გაუმჯობესებას შორის. ამით შეიძლება აიხსნას, თუ რატომ გრძნობთ თავს ძალიან დაღლილად ყოველი საშობაო ვახშმის შემდეგ.
7. ბრინჯი
როგორც ცნობილია, არსებობს მტკიცებულება, რომ ნახშირწყლებს შეუძლიათ ძილის გაუმჯობესება. იაპონიაში ჩატარებულმა კვლევამ აჩვენა, რომ ისინი, ვინც რეგულარულად მიირთმევდნენ ბრინჯს, უკეთ იძინებდნენ, მათთან შედარებით, ვინც მეტ პურს ან ლაფშას ჭამდა. ამასთან, კვლევებით დასტურდებამაღალი გლიკემიური ინდექსის მქონე საკვებისმნიშვნელობა, რომელიც მიუხედავად იმისა, რომ სისხლში შაქრის დონეზე მოქმედებს, მისმა მიღებამ,ძილის წინ სულ მცირე ერთი საათით ადრე, შესაძლოა გააუმჯობესოს ძილის ხარისხი.გლიკემიური ინდექსის მქონე საკვებში კი მოიაზება თეთრი ბრინჯი.
8. გვირილის ჩაი
მართალია, კოფეინის შემცველი ჩაი არ გეხმარებათ მოსვენებაში, თუმცა მცენარეულ ჩაის საღამოობითბევრი მიირთმევს. გვირილის ჩაი განსაკუთრებით სასარგებლოა კარგი ძილისთვის, რადგან ბავშვთა ჯანმრთელობისა და ადამიანის განვითარების ეროვნული ინსტიტუტის კვლევამ დაადგინა, რომ მას აქვს ბუნებრივი დამამშვიდებელი ეფექტი. 2017 წლის ცალკეულმა კვლევამ კი აჩვენა, რომ მონაწილეებმა, რომლებმაც დაიწყეს გვირილის ჩაის დალევა, ორი კვირის ვადაში აღენიშნათ ძილის სირთულეებთან დაკავშირებული ნაკლები სიმპტომები.
მასალის გამოყენების პირობები
