ეს ტორტი მიეკუთვნება სწრაფად მოსამზადებელ კატეგორიას, შეიცავს მარტივ და გემრიელ პროდუქტებს. მასზე მხოლოდ 20 წუთი იხარჯება, მხოლოდ საჭიროა დაელოდოთ სანამ პეჩენია კრემით გაიჟღინთება და ტორტი მაცივარში გაცივდება, მაგრამ ამ ყველაფრის თვალის დევნება საჭირო არ არის. გემოთი არ ჩამოუვარდება ტრადიციულ, რთულად გამოსაცხობ ტორტს.
შეგიძლიათ გამოიყენოთ საფუძვლად ნებისმიერი ორცხობილა, კრეკერი, პრიანიკი. კრემისთვის ხაჭო, არაჟანი ან იოგურტი. ეს პროდუქტები შეიძლება გახდეს კულინარიული ხელოვნების ნამდვილი შედევრები.
ტორტი გამოცხობის გარეშე პეჩენიით და ხაჭოთი
ინგრედიენტები
300 გრ კაკაოს ტკბილი პეჩენია
250 გრ ხაჭო
250 გრ არაჟანი
100 გ შაქარი
1 ს/კ. ჟელატინის გრანულები
75 მლ წყალი
პატარა შოკოლადის ფილა გაფორმებისთვის.
მომზადება
თასში ჩადეთ ჟელაატინი და დაასხით წყალი, დააყოვნეთ რამოდენიმე წუთს.
გადაასხით ქვაბში და დადგით ცეცხლზე ჟელატინის გახსნამდე.
დააბლენდერეთ შაქარი, არაჟანი და ხაჭო, მიიღებთ მსუბუქ კრემს.
დაამატეთ კრემს ჟელატინი და კვლავ ათქვიფეთ.
ფორმაში ერთ ფენად დააწყეთ პეჩენიები და დაასხით კრემი.
უნდა გამოგივიდეთ სამი ფენა პეჩენია და სამი კრემის ფენა.
დააფარეთ საკვების ცელოფანი და დატოვეთ ღაამით მაცივარში.
როცა კრემით გაიჟღინთება მზად არის, ტორტი გამოდის ნაზი და რბილი. შეგიძლიათ კრემს დაუმატოთ კაკაო და პეჩენია გამოიყენოთ თეთრი. ზემოდან მოაყარეთ გახეხილი შოკოლადი ან მოასხით შოკოლადის მინანქარი.
