ხახვის ტორტილები ძალიან მარტივად მზადდება და გემრიელი გამოდის. ეს არის რბილი ცომი ხახვით, რომელიც პურსაც თავისუფლად შეგიცვლით. უხდება სუფს, ხორციან და თევზიან კერძებს, სალათებს. კერძი დამოუკიდებლადაც ძალიან გემრიელია.
ინგრედიენტები
- 1 ცალი ხახვი
- 1 კბილი ნიორი
- 200 მლ წყალი
- 50 გ შაქარი
- 2 ცალი კვერცხი
- 1 ჩ. კ. მარილი
- ზეთი გემოვნებით
- 1 ჩ. კ. საფუარი
- 600 გ ფქვილი
მომზადება
1. ხახვი და ნიორი დაჭერით მსხვილად, დაამატეთ წყალი და კვერცხი. ათქვიფეთ ბლენდერით ერთგვაროვანი მასის მიღებამდე.
2. კვერცხისა და ხახვის ნარევს დაამატეთ მარილი, შაქარი, საფუარი და 2 ს. კ. ზეთი. კარგად აურიეთ.
3. მასაში ჩაყარეთ ფქვილი და მოზილეთ ცომი. დააფარეთ ცელოფანი და დატოვეთ ერთი საათით.
4. ცომი გაყავით 8 ნაწილად. თითოეული გააბრტყელეთ ფირფიტის სახით.
5. ქვაბში ჩაასხით ზეთი და შეწვით ტორტილები ორივე მხრიდან.
საფუარიანი ცომისგან მომზადებულ ხახვის ტორტილებს ძალიან უხდება ნიორი. ასევე შეგიძლიათ დაამატოთ სხვადასხვა საკმაზი გემოვნების მიხედვით. გემოები ყველა ჯერზე განსხვავებული იქნება.
შენი ქსელი: შენი ექიმი · შენი ამბები
