პროდუქტები სწორი კვების პრინციპების შესაბამისად
ყველა ადამიანს შეუძლია, რომ მრავალფეროვანი, კარგად დაბალანსებული და ჯანმრთელობისთვის სასარგებლო რაციონი ჰქონდეს. ჩვენ გიამბობთ, მინიმუმ, რა და როგორ უნდა გააკეთოთ ამისათვის:
ჯანდაცვის მსოფლიო ორგანიზაციის კვების ექსპერტები გვირჩევენ, რომ ყოველდღიურ რაციონში, დაახლოებით, 400-500 გრამი ხილი და ბოსტნეული უნდა შედიოდეს. არაერთი კვლევით დადგენილია, რომ ახალი ბოსტნეულის და ხილის ეს რაოდენობა უამრავი დაავადების განვითარების რისკს ამცირებს და ორგანიზმს უჯრედისის საჭირო რაოდენობით ამარაგებს.
თუ ფიქრობთ, რომ ერთ ჯერზე 400 გრამი ხილის და ბოსტნეულის მიღებას ვერ შეძლებთ, ეს ულუფა რამდენიმე ნაწილად გაყავით და ყოველ კვებაში ჩართეთ.
ეცადეთ, ყოველთვის ახალი ბოსტნეული და ხილი ჭამოთ;
უპირატესობა სეზონურ ხილს და ბოსტნეულს მიანიჭეთ. ზამთარში აუცილებლად შეიტანეთ თქვენს მენიუში გოგრა და ბროკოლი.
