გემრიელი პიცის საიდუმლო არა მარტო მის გულსართშია, არამედ დიდი მნიშვნელობა აქვს, როგორი ცომით ამზადებთ. ჩემმა მეგობარმა მასწავლა ძალიან გემრიელი ცომის მომზადება, რომელიც არა მარტო იტალიაში, არამედ ჩემი სახლის საცხობ ღუმელშიც არაჩვეულებრივი გამოდის.
შემადგენლობა
400 გრამი ფქვილი
0.5 ჩ/კ. მარილი
8 გ მშრალი საფუარი
1 ს/კ. შაქარი
2.5 ს/კ. ზეითუნის ზეთი
220 მლ წყალი
ცოტა ფქვილი და კარაქი ცომთან სამუშაოდ.
მომზადება:
თასში ჩაყარეთ ფქვილი, ჩააღრმავეთ შუაში და ჩაასხით თბილ წყალში გახსნილი საფუარი და შაქარი. დაიწყეთ ცომის მოზელა, დაუმატეთ 2 ს/კ ზეითუნის ზეთი.
გადმოიღეთ მაგიდაზე ცომი, მოზილეთ კარგად, სანამ ელასტიური არ გახდება. ცხიმწასმულ თასში მოათავსეთ ცომის გუნდა , დააფარეთ სამზარეულოს ტილო და დადგით თბილ ადგილას. ცომი უნდა გაორმაგდეს.
ცომი გაყავით ორ ნაწილად, გაათხელეთ, მოათავსეთ გულსართი სურვილისამებრ. წაუსვით ცომს საწებელი ან მაიონეზი. ძეხვი დაჭერით კუბიკებად ან წვრილ ნაჭრებად. გამოიყენეთ მაგარი გახეხილი ყველი, ნებისმიერი მწვანილი და სანელებელი.
ეს რეცეპტი დაგეხმარებათ იმ მომენტში, როცა ძალიან გსურთ ცხელი პიცის ჭამა და გეზარებათ სუპერმარკეტში წასვლა. გაამზადეთ მარტივად ცომი, სეავსეთ ნებისმიერი ინგრედიენტებით და ისიამოვნეთ ახლობლებთან ერთად!
შენი ქსელი: შენი ექიმი · შენი ამბები
