ნამცხვარი “ძეხვი”- მიირთვით ცივი დესერტი ცხელ ყავასთან ერთად.

ნამცხვარი “ძეხვი”

მასალა:

კარაქი 200 გრამი

პეჩენია “საიუბილეო” ან ნებისმიერი საბავშვო 500 გრამი

შესქ.რძე 1 კოლოფი

ნიგოზი 0,5 ჭიქა

კაკაოს ფხვნილი 3 ს/კ

ვანილი გემოვნებით

მომზადება:

კარაქი გავთქვიფოთ გათეთრებამდე, ნელ-ნელა დავამატოთ შესქ. რძე. მივიღებთ კრემისებრ მასას. დავამატოთ მოხალული, წვრილად დაჭრილი ნიგოზი, შეგიძლიათ ქიშმიშიც, კაკაო და ვანილი. კრემში ჩავყაროთ დამტვრეული პეჩენია და კოვზით კარგად ავურიოთ.

მასა გავახვიოთ პერგამენტის ქაღალდში, მივცეთ ძეხვის ფორმა, ზემოდან შეგიძლიათ დაალაგოთ ნუშის ან თხილის ნაჭრები გასაფორმებლად. ქაღალდს ბოლოები მოვუკრათ, გადავგრიხოთ, შევაწყოთ ჯერ საყინულეში (დაახლოებით ერთი საათი ) და შემდეგ მაცივარში.

სუფრაზე მივიტანოთ ძეხვივით დაჭრილი.