შემწვარი თევზი უგემრიელესია, მხოლოდ მომზადების პროცესია არასასიამოვნო. უსიამოვნო სუნი შეიძლება მთელ სამზარეულოში და სახლში გავრცელდეს, ზეთის შხეფებზე რომ აღარაფერი ვთქვათ. გასწავლით, როგორ შეწვათ თევზი ისე, რომ არასასურველი მომენტები თავიდან აიცილოთ.
თუ ამ რჩევებს გაითვალისწინებთ, თქვენი სამზარეულო შეწვის შემდეგაც სუფთა დარჩება.
პირველ რიგში, კარგად გარეცხეთ და გაწმინდეთ თევზი. მოაყარეთ მარილი და პილპილი.
კარგად გააცხელეთ ტაფა და დაასხით მზესუმზირის ზეთი. მოაყარეთ მარილით. ეს ხელს შეუწყობს თავიდან აიცილოთ შხეფები შეწვის დროს. თევზი შთანთქავს მარილს ტაფიდან, რის გამოც უნდა მოაყაროთ ცოტაოდენი მარილი.
აიღეთ უმი კარტოფილი და დაჭერით რგოლებად. ტაფაში თევზთან ერთად მოათავსეთ 2-3 ნაჭერი. ეს გააქრობს შეწვის დროს თევზის უსიამოვნო სუნს.
ცელოფნის პაკეტში ჩაყარეთ ფქვილი და ამოავლეთ მასში თევზები. ფქვილის რაოდენობა განსაზღვრეთ თევზის რაოდენობის მიხედვით.
შეანჯღრიეთ თევზები პირმოკრულ პაკეტში. ამით დაიცავთ სამზარეულოს სისუფთავესაც.
ახლა რჩება თევზის ტაფაში ჩაყრა და შეწვა. შეცვალეთ კარტოფილი ახლით, როგორც საჭიროა.
მხოლოდ სამი მარტივი ხრიკი გადაგარჩენთ უსიამოვნო კოშმარისგან. თავიდან აიცილებთ ზეთის ლაქებს ტანსაცმელზე და გაზქურაზე. მზა კერძის სასიამოვნო არომატი ექნება და წვის დროს უსიამოვნო სუნი წარსულს ჩაბარდება. ახლა გემრიელი და ჯანსაღი თევზი გახდება თქვენი სუფრის ხშირი სტუმარი.
