ნიგვზიანი ბადრიჯანი ყველასთვის საყვარელი კერძია, რომელიც ხშირად ამშვენებს ქართულ სუფრას.
ინგრედიენტები:
- 500 გრამი ბადრიჯანი
- 250 გრამი ნიგოზი
- 3 კბილი ნიორი
- 1 ჩ/კ უცხო სუნელი
- 1 ჩ/კ ხმელი ქინძი
- 1 ჩ/კ წითელი წიწაკა
- 1 ჩ/კ ყვითელი ყვავილი
- 3 ს/კ თეთრი ღვინის ძმარი
- 4 ს/კ წყალი
- 100 მლ/ლ ზეთი შესაწვავად
- მარილი გემოვნებით
- მწვანილი და ბროწეულის მარცვლები გასაფორმებლად
მომზადების მეთოდი:
ნაბიჯი 1
ნიგოზი და ნიორი ხორცსაკეპ მანქანაში ერთად გაატარეთ. მოათავსეთ ჯამში და დაუმატეთ სუნელები, მარილი, ძმარი და წყალი. ნიგვზიანი საკმაზის მისაღებად, ეს ყველაფერი ერთმანეთს შეურიეთ.
ნაბიჯი 2
გარეცხილი ბადრიჯანი სიგრძეზე დაჭერით, თითოეული 4-5 ცალ ბრტყელ ნაჭრად. ტაფაზე ზეთი დაასხით და ბადრიჯანი საშუალო ცეცხლზე ორივე მხრიდან შეწვით.
ნაბიჯი 3
შემწვარი ბადრიჯანი სამზარეულოს ქაღალდის ხელსახოცზე დაალაგეთ, რათა დაიწრიტოს. თითოეულ ნაჭერს თანაბრად წაუსვით ნიგვზიანი მასა და გადაკეცეთ შუაზე. ბადრიჯნებს დარჩენილი ნიგვზის მასა ზემოდან გადაუსვით.
ნაბიჯი 4
დაალაგეთ თეფშზე და, სურვილისამებრ, გააფორმეთ მწვანილითა თუ ბროწეულის მარცვლებით.
გემრიელად მიირთვით.
