იცით, რომ წვრილი მდინარის თევზი შესაძლოა მდიდრულ კერძად იქცეს? მთავარია ის სწორად შეწვათ. ჩვენ გთავაზობთ თევზის შეწვის უზბეკურ ვარიანტს, რომლის მთავარი აზრი შესაბამისი მარინადის მომზადებაში მდგომარეობს.
მარინადი ფხას ძალიან ათხელებს, ხორცი კი რჩება წვნიანი. იწვება ყოველგვარი საფანელის გარეშე.
ინგრედიენტები
- ორი თავი ხახვი
- ერთი მწიკვი ძირა
- ერთი ქინძის თესლი
- ორი ს. კ. არაჟანი
- 250 მლ ზეთი
- 15-20 ცალი წვრილი თევზი
- მარილი გემოვნებით
- შავი პილპილი გემოვნებით
მომზადება
1. თევზი გაასუფთავე და კარგად გარეცხე. გადაიტანე ის საწურზე, შემდეგ კი თასში დასამარინადებლად.
2. ხახვი დაჭერი თხელ რგოლებად. დაამატე თევზს მარილთან და შავ პილპილთან, ასევე ძირასა და ქინძის თესლთან ერთად. კარგად აურიე.
3. მარინადში ჩაამატე არაჟანიც და კვლავ აურიე. თასს დააფარე და დადგი ნახევარი საათით.
4. დამარინადებულ თევზს მოაცალე ხახვი და შეინახე.
5. სქელძირიან ღრმა ტაფაში გააცხელე ზეთი.
6. ცხელ ზეთში ჩაამატე მარინადის ხახვი და შეწვი ოქროსფრამდე. მზა ხახვი ამოიღე და გადაიტანე ქაღალდის ხელსახოცზე.
7. თევზი შეწვი პარტიებად: 4-5 ცალი ერთ ჯერზე. ჩაყარე ზეთში და სანამ ცალ მხარეს არ შეიბრაწება, არ შეეხო.
8. გადაბრუნების შემდეგ კვლავ შეწვი 1-2 წუთი და შემდეგ ქაფქირით გადაიტანე ქაღალდის ხელსახოცზე.
შემწვარი მდინარის თევზი მზად არის! სუფრასთან მიიტანე შემწვარი ხახვითა და ახალი მწვანილით. ყველა თევზის მოყვარული დადებითად შეაფასებს ამ კერძს.
გემრიელად მიირთვით!
