ჯერ კიდევ უძველესი დროიდან არის ცნობილი, რომ დიდი მნიშვნელობა აქვს იმას, თუ რომელ ბოსტნეულს რომელთან დათესავ, მეზობელმა მცენარემ შესაძლოა მეზობლის მოსავალი ერთიორად გაზარდოს ან პირიქით, სულ გაანადგუროს.
ბოსტნეული რომლებიც ერთმანეთს კარგად ეგუებიან და ერთმანეთზე დადებით გავლენას ახდენენ, კომპანიონი მცენარეები ეწოდებათ. მაგალითად, პომიდორს სტაფილოს გვერდით ყოფნა უყვარს, ასევე რეჰანთან და კამასთან, აი, კარტოფილთან სიახლოვე კი არ სიამოვნებს.
რეჰანის მძაფრი სუნი აფრთხობს მავნე მწერებს და არ აკარებს მათ პომიდორს, კამა და ოხრახუში კი იმ მწერებს იზიდავს, რომელიც პომიდორს მავნე ნივთიერებებისგან ათავისუფლებს.
კარტოფილი და პომიდორო მსგავსი ტიპის ბოსტნეულია, მათზე ერთი და იგივე რამ მოქმედებს დამღუპველად, ამიტომ ისინი ერთმანეთს ვერაფერს შველიან და მათი ერთად ყოფნა არ არის გამართლებული.
კიტრი კარგად ემეგობრება ბოლოკს, ბარდას, სალათის ფურცელს, პომიდორსა და სიმინდს. თუმცა ვერ ეგუება პიტნასა და კამას.
რაც შეეხება გოგრას ეგუება სიმინდს, ლობიოს, პომიდორს, მზესუმზირას, პიტნას, ბოლოკს. მაგრამ ვერ ეგუება კარტოფილს.
საზამთრო და ნესვი კარგად ეგუება სიმინდს, მზესუმზირას, ბოლოკს, ჭარხალს. და ვერ ეგუება კიტრს.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
