ტორტი “ჩრდილოეთის დათუნია” სხვადასხვანაირად ცხვება. შემოგთავაზებთ არაჟნის ფირფიტებით გამზადებულ ვარიანტს, რომელიც ძალიან მოგეწონებათ.
არაჟნის ტორტი “ჩრდილოეთის დათუნია”
ინგრედიენტები:
გამაფხვიერებელი – 1 პაკეტი
დარბილებული კარაქი – 200 გ
კვერცხი – 2
ფქვილი – 2-2.5 ჭიქა
არაჟანი – 1.25 ჭიქა
შაქარი – 1 ჭიქა (250 მლ)
კაკაო 2 ს/კ
კრემისთვის:
არაჟანი – 750 მლ
შაქარი – 150-200 გ
მომზადება:
ყველა ინგრედიენტი ცომისთვის განკუთვნილი კაკაოს და ფქვილის გარდა ავურიოთ ერთმანეთში. გავყოთ ორ ნაწილად. ერთს შევურიოთ 2 ს/კ კაკაო და 1,5 ჭიქა ფქვილი, მეორეს 1,5 ჭიქა ფქვილი.
თითოეული ნაწილი გავყოთ 4 ნაწილად და გამოვაცხოთ ფირფიტები ცალ-ცალკე 4 თეთრი და 4 ყავისფერი.
კრემისთვის არაჟანი და შაქარი ათქვიფეთ.ამ კრემით შეაერთეთ ფირფიტები. ზემოდან შეგვიძლია დავასხათ შავი ან თეთრი შოკოლადის მინანქარი ან მოვაყაროთ ნამცხვრის ნაფხვენი.
კარგად რომ გაუჯდეს კრემი, შევდგათ ორი საათით მაცივარში. გემრიელად მიირთვით!
