ჰალვის ტორტი, რომელიც გულგრილს არავის დატოვებს

1.2K

ტორტი ჰალვის შიგთავსით

ინგრედიენტი კაკაოს ბისკვიტისთვის

120 გ ფქვილი

5 კვერცხი

150 გ შაქარი

2 ს/კ. კაკაო

 სეზამიანი ბეზეს შემადგენლობა
4 კვერცხის ცილა

0.5 ს/კ. შაქარი

0.5 ს/კ. ფქვილი

0.5 ს/კ. საცხობი ფხვნილი

150 გ სეზამის თესლი

შემადგენლობა კრემისთვის

4 კვერცხი გული

0.5 ს/კ. შაქარი

0.5 ლიტრი რძე

3 ს.კ. ფქვილი

2 ს/კ. სიმინდის სახამებელი

200 გ კარაქი

200 გრ არაქისის ჰალვა

ბისკვიტის მოსამზადებლად ერთმანეთში აურიეთ ფქვილი და კაკაო. ცალკე კვერცხის ცილები ათქვიფეთ კარგად გათეთრებამდე, არ შეაჩეროთ თქვეფა და ისე შეურიეთ კვერცხის გულები, ბოლოს დაამატეთ შაქარი და ათქვიფეთ.

კაკაოს ნარევი შეურიეთ ათქვეფილ მასას და აურიეთ.

გამოსაცხობ ფორმაში გაშალეთ პერგამენტის ქაღალდი, ჩაასხით ცომი და 180 გრადუსზე გამოაცხეთ 45 წუთის განმავლობაში. გამოღებამდე შეამოწმეთ ხის ჩხირით, თუ ჩხირს ცომი არ ამოჰყვება, ბისკვიტი მზადაა.

ბეზეს მოსამზადებლად ათქვიფეთ კვერცხის ცილები, როცაა გამყარდება დაამატეთ თანდათან შაქარი, თქვიფეთ და შემდეგ დანარჩენი ინგრედიენტებიც დაამატეთ.

ეს ფენაც ბისკვიტივით ჩაასხით ფორმაში და ნახევარი საათის განმავლობაში 180 გრადუსზე გამოაცხეთ.

კრემის მოსამზადებლად, რძის ნახევარში დაამატეთ შაქარი, გახსენით კარგად და მიიყვანეთ ადუღებამდე.

კვერცხის გულები ათქვიფეთ, დაამატეთ დარჩენილი რძე და ფქვილი, კარგად ათქვიფეთ, რომ ფქვილი გაიხსნას. შემდეგ ჩაასხით ადუღებულ რძეში. მიიღებთ სქელ პუდინგს. როცა მზად იქნება, გააციეთ ბოლომდე.

დარბილებული კარაქი ათქვიფეთ, დაამატეთ ჰალვა და კვლავ ათქვიფეთ, შემდეგ გაციებული პუდინგი შეურიეთ. თუ ტკბილი არ იქნება, დაამატეთ შაქარი, ეს თქვენს გემოვნებაზეა დამოკიდებული.

ტორტის ასაწყობად ორივე ფენა გაჭერით სიბრტყეზე. კაკაოს ფირფიტას წაუსვით კრემი, დაადეთ ბეზე, შემდეგ კრემი, ისევ ბეზე და კრემი. ბოლოს კაკაოს ბისკვიტი დაადეთ, გვერდებზე და ზემოდან წაუსვით კრემი.

ტორტს ზემოდან მოაყარეთ გახეხილი შოკოლადი. შეინახეთ მაცივარში 2 საათით. შემდეგ დაჭერით და გემრიელად მიირთვით.

გაუზიარეთ ეს რეცეპტი მეგობრებს, ისინი მადლობას გეტყვიან.