ალბათ არ არსებობს ადამიანი – დიდი იქნება თუ ბავშვი, შემწვარი კარტოფილი არ უყვარდეს. ისიც ცნობილია, რომ ეს კერძი არც თუ ისე სასარგებლოა ორგანიზმისთვის. ჩვენ გთავაზობთ შემწვარი კარტოფილის ალტერნატივას, რომელიც გაცილებით უფრო გემრიელია და რომლის გასინჯვის შემდეგ ტრადიციულ ვარიანტს აღარც განიხილავთ.
რეცეპტის მთავარი პრინციპია ის, რომ კარტოფილისა და კარაქის თანაფარდობა 10:1 უნდა იყოს.
ინგრედიენტები
- 350 გ კარტოფილი
- 35 გ კარაქი
- ასი გ რბილი კრემ- ყველი
- მარილი და შავი დაფქული პილპილი გემოვნებით
მომზადება
- კარაქი გაადნე მიკროტალღურში ან წყლის აბაზანაზე.
- კარტოფილი გაფცქვენი, გარეცხე და გახეხე წვრილ სახეხზე. დაამატე გამდნარი კარაქი, მარილი, პილპილი და კარგად აზილე ხელით.
- მშრალი ტაფა კარგად გააცხელე და დაყარე მასზე კარტოფილი, გამოყოფილ წვენთან ერთად. დატკეპნე სილიკონის ნიჩბით.
- კარტოფილის ბლინი შეწვი ერთი წუთის განმავლობაში მაღალ ცეცხლზე, შემდეგ ჩაუწიე მინიმუმამდე და გააგრძელე შუშვა 8 წუთის მანძილზე.
- კარტოფილი გადააბრუნე თეფშის დახმარებით. როცა მეორე მხარეც შეიწვება, ბლინის ერთ ნახევარზე წაუსვი მდნარი ყველი.
- ბლინი ფრთხილად გადაკეცე ორად. ზემოდან შეგიძლია დაამატო შემწვარი სოკო, მწვანილი, მწვანე ხახვი და ა. შ.
ასე მომზადებული კარტოფილი გამოდის ძალიან ხრაშუნა და ნაზი კონსისტენციის.
როგორ მოგეწონათ რეცეპტი? მოამზადეთ და გაგვიზიარეთ აზრი კომენტარებში. ეს რეცეპტი კი ასწავლეთ სხვებსაც!
