შაქარი უფრო და უფრო მავნე და სახიფათო ხდება ადამიანისთვის
მნიშვნელოვანია დავაკვირდეთ პროდუქტის ანოტაციას, სადაც ყოველთვის წერია თუ რამდენ შაქარს შეიცავს პროდუქტი. ძალიან ხშირად ისეთი პროდუქტებიც შეიცავენ შაქარს, რომელსაც ვერ კი წარმოიდგენდით (მაგალითად, საწებელი).
ასევე მნიშვნელოვანია, წავიკითხოთ ინგრედიენტების სია და ვიცოდეთ, რომ პირველი ყოველთვის ის ინგრედიენტი წერია, რომელიც ყველაზე დიდი რაოდენობით არის პროდუქში. შესაბამისად, თუ პროდუქტის ინგრედიენტების ჩამონათვალი იწყება შაქრით, ბუნებრივია უნდა ვერიდოთ მას.
შაქრის 60-მდე დასახელება არსებობს, ყველაზე მარტივად საცნობია რა თქმა უნდა თვითონ შაქარია და ასევე ნებისმიერ სახის სიროფი.
ასევე, ერიდეთ ინგრედიენტებს რომლებიც ინგლისურად მთავრდება -OSE ზე , მაგალთად Frucose (ფრუქტოზა), Dextrose (დექსტროზი) და ა.შ.
მარტივია დიდი რაოდენობის შაქრის მიღება სასმელის სახით, მაგალითად როგორიცაა კოკა კოლა, ლიმონათი, ცივი ყავა შაქრით, ენერგეტიკული სასმელები და ა.შ. შესაბამისად ჯობია შეძლებისდაგვარად ვერიდოთ მათ ან მივირთვათ მათი უშაქრო ალტერნატივა.
მზა სასმელების შემთხვევაში უფრო რთულადაა საქმე, ხოლო თუ სასმელს ვუკვეთავთ მაგალითად რესტორანში/კაფეში ყოველთვის შეგვიძლია ვითხოვოთ უშაქრო/უსიროფო ალტერნატივა.
ერიდეთ “ჯანსაღი” შაქრის ალტერნატივებს (როგორიცაა მაგალითად ქოქოსის შაქარი), რადგან სისხლში შაქრის დონის მატებაზე ანალოგიური შედეგი აქვს, როგორც სტანდარტულ შაქარს. 
შეეცადეთ სახლში არ იქონიოთ არაჯანსაღი პროდუქტები, რაც მკვეთრად შეამცირებს მათი მოხმარების ალბათობას.
საუბარია ხელოვნურად დამატებულ შაქარზე და არა იმ შაქარზე, რომელიც ბუნებრივად არსებობს მაგალითად ხილში ან ბოსტნეულში, რადგან ამ სახის პროდუქტებში შაქართან ერთად ორგანიზმი იღებს უჯრედისს და სხვადასხვა სახის ვიტამინებსა და მინერალებს.
მასალის გამოყენების პირობები
