ახლა საუკეთესო დროა ზამთრისთვის მოამზადოთ დაკონსერვებული ყველაზე ახალგაზრდა ყაბაყი. ეს ძალიან წარმატებული რეცეპტია, არ საჭიროებს ძალისხმევას და შედეგით კმაყოფილი დარჩებით.
ასე მომზადებული ყაბაყი გამოდის ხრაშუნა, მასში ზომიერადაა ტკბილი, მწარე და მარილიანი გემო. მისი გემო მოგვაგონებს დაკონსერვებული სოკოს გემოს. რეცეპტში ჩამოთვლილი ინგრედიენტებით გამოდის ორი ერთლიტრიანი ქილა.
დაკონსერვებული ყაბაყის რეცეპტი
შემადგენლობა
ყაბაყი 1.5 კგ
ნივრის 4 კბილი.
მარილი 1 ს/კ.
შავი პილპილი 1 ჩ/კ.
შაქარი 3 ს/კ.
მზესუმზირის ზეთი 120 მლ
ძმარი 120 მლ
ჩილი წიწაკა 1 ც.
კამა 20 გ
ოხრახუში 20 გ
მომზადება
გარეცხეთ ყაბაყი და დაჭერით კუბურებად, ჩაყარეთ ღრმა თასში, დააჭერით ნიორი, დაამატეთ 1 ს/კ. მარილი, 1 ჩ/კ. შავი პილპილი, 3 ს/კ. შაქარი და მცენარეული ზეთი.
დაჭერით მწარე წიწაკა რგოლებად, მწვანილი წვრილად, აურიეთ თასში ყველა ინგრედიენტი, მოასხით ძმარი და დატოვეთ სამი საათი.
3 საათის შემდეგ გადაიტანეთ მასა თავისი წვენით ქილებში, დააფარეთ თავსახური და გაასტერილეთ 7-8 წუთის განმავლობაში.
ამოალაგეთ ფრთხილად ქილები, მჭიდროდ მოუჭირეთ სახურავი, გადმოატრიალეთ და შეფუთეთ თბილად.
შეარჩიეთ მწიფე და საღი ინგრედიენტები. გემრიელად მიირთვით!
