კარტოფილი ხორცით და ყველით
აბა, რომელი დიასახლისი არ ოცნებობს სადილის მომზადებაზე, რომლისთვისაც არაუმეტეს 20 წუთს დახარჯავს? უბრალოდ მოამზადეთ საკვები და მიენდეთ ღუმელს. მხედველობაში მაქვს გასაოცარი კერძის მარტივი რეცეპტი. ხორცით კარტოფილი დიდ დროს და ძალისხმევას არ წაგართმევთ! ამ კერძის მოსამზადებლად შეგიძლიათ აირჩიოთ ნებისმიერი ხორცი, რომელიც თქვენს მაცივარშია. ფრინველის, ღორის და საქონლის ხორცი, ნებისმიერი გამოდგება. მომზადების პროცესი პროდუქტს იმდენად რბილს და ნაზს ხდის, რომ შეგიძლიათ დაივიწყოთ დანის გამოყენება. ხორცი კარტოფილით და ყველით სწრაფად გახდება თქვენი საყვარელი კერძი.
ინგრედიენტები
ღორის ხორცი 700 გრ
კარტოფილი 800 გრ
მარილი გემოვნებით
შავი პილპილი (დაფქული) გემოვნებით
მზესუმზირის ზეთი გემოვნებით
ხახვი 1 ც
მყარი ყველი 100 გრ
მდოგვი 1 ს.კ.
მაიონეზი 2 ს.კ.
ბერძნული იოგურტი 2 ს.კ.
მომზადება
ხორცი დავჭრათ თხელ ფენებად, დავაფაროთ ცელოფანი და ჩაქუჩით დავბეგვოთ. ნაჭრებს ორივე მხრიდან მოაყარეთ მარილი და პილპილი.
კარტოფილი გათალეთ და გახეხეთ მსხვილ სახეხზე, გამოწურეთ წვენი, მოაყარეთ მარილი და აურიეთ.
საცხობ ფორმას წაუსვით კარაქი, თანაბრად გადაანაწილეთ კარტოფილი.
ხახვი დავჭრათ ნახევრად რგოლებად, ოდნავ გავწუროთ და მოვაყაროთ კარტოფილის ფენას. ახლა დაფარეთ ხახვი ხორცის ნაჭრებით.
სოუსის მოსამზადებლად მყარი ყველი გახეხეთ მსხვილ სახეხზე, დაუმატეთ მდოგვი, მაიონეზი და თეთრი იოგურტი, აურიეთ.
მიღებული სოუსი თანაბრად გადაუსვით კერძის ზედა ფენას. ფორმას გადააფარეთ პერგამენტის ქაღალდი და ფოლგა, გამოაცხვეთ 180 გრადუსზე დაახლოებით 20 წუთის განმავლობაში.
ახლა მოხსენით პერგამენტი და ფოლგა, გამოაცხვეთ კიდევ 20 წუთი იმავე ტემპერატურაზე.
გაითვალისწინეთ, რომ სოუსი, რომელიც აღწერილია ხორცისა და ყველით კარტოფილის მომზადებისთვის. მისი გამოყენება შესაძლებელია სხვა გამომცხვარ კერძებშიც. აიღეთ საჭირო ინგრედიენტები და ჩართეთ ღუმელი წინასწარ გახურებაზე – დროა მოამზადოთ რაიმე გემრიელი!
