თუ ძალიან მოგინდათ მიირთვათ რაიმე გემრიელი ან დილით ჩაისთან მისატანებლად ტკბილეული არ აღმოგაჩნდათ, გამოიყენეთ ეს რეცეპტი. ეს არის სწრაფი და მარტივი დესერტი, რომელიც შეგიძლიათ 5 წუთში მოამზადოთ მიკროტალღურ ღუმელში.
ყველაფერი რაც უნდა გაკეთდეს – ეს არის მოზილოთ მარტივი ცომი, შედგათ მიკროტალღურ ღუმელში და დესერტი მზადაა. შოკოლადის კექსი გამოდის ისეთი გემრიელი, რომ მოგინდებათ მიირთვათ კიდევ და კიდევ…
შემადგენლობა:
ხორბლის ფქვილი 5 ჩ/კ.
შაქარი 4 ჩ/კ.
მუქი შოკოლადი 2 ჩ/კ.
მზესუმზირის ზეთი 3 ჩ/კ.
რძე 4 ჩ/კ.
კაკაოს ფხვნილი 1 ჩ/კ.
კვერცხი 1 ც.
გამაფხვიერებელი 0.25 ჩ/კ.
კარაქი 1 ჩ/კ.
შაქრის პუდრა 5 გ
გატეხეთ კვერცხი, ჩანგლით გათქვიფეთ, დაუმატეთ კაკაო, შაქარი, რძე და გააგრძელეთ თქვეფა.
დაამატეთ ზეთი, გახეხილი შოკოლადი ( თუ შოკოლადის კარაქი გაქვთ შოკოლადის ნაცვლად გამოიყენეთ ).
ბოლოს დაამატეთ ერთმანეთში არეული ფქვილი და გამაფხვიერებელი და ურიეთ ერთგვაროვანი მასის მიღებამდე
ფინჯნის ნაპირებზე მოუსვით ცოტა ცხიმი და ჩაასხით გამზადებული შოკოლადის ცომი. ცომი უნდა იკავებდეს ფინჯნის 2/3-ს.
შედგით 3 წუთით მიკროტალღურ ღუმელში. უკვე გამომცხვარს ზემოდან მოაყარეთ შაქრის პუდრა.
ეს არის საოცრად ნაზი არომატის შოკოლადის კექსი, რომელიც უხდება ცხელ ჩაის ან ყავას.
