ტკბილეული ყველას დიდ სიამოვნებას გვანიჭებს, მით უფრო, თუ ის მარტივად მზადდება. დღეს ჩვენ შემოგთავაზებთ შეუდარებლად მსუბუქ და ნაზ დესერტს, რომელიც პირში დნება და იმსახურებს მასზე დახარჯულ დროს (რომელიც არც ისე ბევრია).

დესერტი იდეალურია და ინგრედიენტები გათვლილია 16 სმ დიამეტრის მქონე ფორმისთვის. ხოლო მზა პროდუქტის წონა ნახევარი კილოა.

ინგრედიენტები

60 გ კრემყველი
65 გ შაქარი
3 ცალი კვერცხის გული
50 გ სახამებელი
500 მლ რძე
ნახევარი ჩ. კ. ზეთი
ერთი მწიკვი ვანილი
ერთი მწიკვი მარილი

მომზადება

1. კრემყველი ჩაჭყლიტეთ შაქართან ერთად, დაამატეთ 2,5 კვერცხის გული და კარგად აურიეთ. შემდეგ ჩაამატეთ სახამებელი და ვანილი. კვლავ კარგად აურიეთ. ჩაასხით ამ მასაში რძეც.

რძის დესერტის ინგრედიენტები - კრემყველი, შაქარი, კვერცხი, რძე

2. მიღებული ნარევი საცერის გავლით ჩაასხით პატარა ქვაბში და დადგით ცეცხლზე. მუდმივი მორევით მოხარშეთ სქელი კრემი.

რძის კრემის მომზადება ქვაბში

3. საცხობ ფორმას წაუსვით ზეთი. ჩაასხით მასში კრემი და მჭიდროდ დააფარეთ სამზარეულოს ცელოფანი. შედგით მაცივარში სამი საათით.

დესერტის ნაჭრები საცხობ ფორმაზე გამოწყობილი

4. გაციებული კრემი გაყავით საპორციე ნაჭრებად და დაალაგეთ საცხობ ფორმაზე, რომელსაც პერგამენტის ქაღალდი აქვს ჩაფენილი. თითოეულ ნაჭერს წაუსვით მესამე კვერცხის გულის ნარჩენი. დესერტი შედგით 180 გრადუსზე გაცხელებულ ღუმელში 20 წუთით.

მზა რძის დესერტი ნაყინის ბურთულით და შოკოლადის სოუსით