თუ თქვენ გაგისინჯავთ ბავარიული კრემი, მისი გემოს დავიწყება შეუძლებელი იქნება. ის შეიძლება გამოიყენოთ სხვადასხვა ნამცხვრებში, ტორტებში, ტარტალეტკების დასაკრემად.
ბავარიული ტორტი საკმაოდ მაღალკალორიულია, მაგრამ გთავაზობთ რეცეპტს, რომელიც ნებადართულია დუკანის დიეტაზე მყოფთათვისაც კი.
ინგრედიენტები:
1,5 ჭიქა რძე
შაქარი გემოვნებით
3 კვერცხის გული
300 მლ არაჟანი
4 ს/კ წყალი
1 ჩ/კ ვანილის ექსტრაქტი
1 ს/კ ჟელატინი
მომზადება:
კვერცხის გულს შეურიეთ შაქარი, ნელ-ნელა დაამატეთ რძე და დადგით დაბალ ცეცხლზე, 10 წუთის განმავლობაში ურიეთ, არ უნდა მიიყვანოთ ადუღებამდე და გადმოდგით ცეცხლიდან.
ათქვიფეთ არაჟანი და ვანილის ექსტრაქტი.
მოამზადეთ ჟელატინი ინსტრუქციის მიხედვით, ჩაასხით რძის მასაში, მოურიეთ და დატოვეთ ოთახის ტემპერატურაზე.
დაამატეთ ათქვეფილი არაჟანი ან ხაჭო, ჩაასხით დესერტის ჭიქებში და შედგით მაცივარში გასაციებლად. მოზრდილებიც და ბავშვებიც აღფრთოვანებულები იქნებიან გემრიელი დესერტით.
დესერტის კონსისტენცია დამოკიდებულია ჟელატინის რაოდენობაზე. თუ ცოტას გამოიყენებთ მიიღებთ დესერტს, რომელიც ჰგავს ნაყინს. გაუზიარეთ რეცეპტი მეგობრებსაც.
შენი ქსელი: შენი ექიმი · შენი ამბები
