ძნელი დასაჯერებელია, მაგრამ ყველა ტკბილეულის მოყვარული არ არის მსუქანი. დადასტურებულია, რომ ტკბილეული ზრდის ადამიანის განწყობას და მთლიან კეთილდღეობას. მთავარია სწორი არჩევანის გაკეთება.
ტკბილეულზე მოთხოვნილება სულ უფრო და უფრო მატულობს ადამიანებში. ამან გავლენა მოახდინა ენდოკრინულ სისტემასთან დაკავშირებულ უამრავ დაავადებაზე როგორც მოზრდილებში, ასევე ბავშვებში. ამიტომ, ტკბილეულის სწორად შერჩევა სასარგებლოა პროფილაქტიკისთვისაც.
კენკრის კანფეტები
ინგრედიენტები
100 გრ ხაჭო 5% ცხიმიანობის
30 გ ქოქოსის ფქვილი
1 ს.კ. თაფლი
50 გრ შავი სმაროდინა, იგივე მოცხარი
ქოქოსის ფანტელები გემოვნებით
მომზადება:
ხაჭოს შეურიეთ თაფლი, დაამატეთ ქოქოსის ფანტელები და მშრალი კენკრა. ყველაფერი დააბლენდერეთ. გააკეთეთ ბურთულები, ამოავლეთ ქოქოსის ფანტელებში, შეგიძლიათ შეინახოთ იგი მაცივარში ერთი საათის განმავლობაში: ისინი გაგრილდებიან და ფორმას უკეთ შეინარჩუნებენ.
ხაჭოს კანფეტები ბანანით
ინგრედიენტები
100 გრ უცხიმო ხაჭო
1 ბანანი
5-6 ს.კ. შვრია
3 ს.კ. ქოქოსის ფანტელები
სტევიას გემოვნებით
მომზადება
შვრია და ბანანი ჩადეთ ბლენდერში, ათქვიფეთ სანამ არ გახდება გლუვი. შემდეგ, დატოვეთ ნარევი 20 წუთის განმავლობაში, სანამ ფანტელები არ გაფუვდება. შემდეგ აურიეთ ეს მასა ხაჭოში, დაამატეთ სტევია გემოვნებით.
ათქვიფეთ მასა ისე, რომ არ გათხელდეს. გააკეთეთ პატარა ბურთები, ამოავლეთ ქოქოსის ფანტელებში. შემდეგ, განათავსეთ ტკბილეული მაცივარში ერთი საათის განმავლობაში.
გამხმარი გარგარი ხაჭოს შიგთავსით
ინგრედიენტები
300 გ გარგარის ჩირი
100 გრ უცხიმო ხაჭო
1 კვერცხი
სტევია გემოვნებით
მომზადება
გარეცხეთ გარგარი და გააშრეთ. გაჭერით სიბრტყეზე და წიგნივით გაშალეთ.
ხაჭოს შეურიეთ კვერცხი და სტევია. წაუსვით გარგარს და სენდვიჩივით გადაკეცეთ.
დააწყეთ საცხობ ფორმაში პერგამენტის ქაღალდზე და შედგით ღუმელში 180-200 გრადუსზე 5-7 წუთის განმავლობაში. მიირთვით გაცივებული.
კაკაოს კანფეტები
ინგრედიენტები
300 გრ ხაჭო 9% ცხიმიანობით
150 გ ნამცხვარი(პეჩენია)
50 გრ კაკალი
კაკაო გემოვნებით
ყაყაჩო გემოვნებით
მომზადება
ნამცხვარი და კაკალი დააბლენდერეთ. ხაჭო კარგად ათქვიფეთ ჩანგლით და შეურიეთ კაკაო. შემდეგ დაამატეთ ნამცხვრები ნიგვზით. აურიეთ მასა კარგად, სანამ არ გახდება გლუვი.
ნარევიდან გააკეთეთ პატარა ბურთულები, ამოავლეთ ისინი კაკაოში, ყაყაჩოს თესლებში, ქოქოსის ფანტელში ან სეზამის თესლებში. მოათავსეთ ტკბილეული ფართო თეფშზე, შეინახეთ ისინი მაცივარში 60 წუთის განმავლობაში.
ხაჭოს ტკბილეული კაკლით
ინგრედიენტები
250 გრ უცხიმო ხაჭო
2 ს.კ. თაფლი
15 ცალი. ნუში
ქოქოსის ფანტელები გემოვნებით
მომზადება
თხევადი თაფლი დაასხით ხაჭოს. ათქვიფეთ ნარევი ჩანგლით ან მიქსერით. კოვზით მოათავსეთ ხელის გულზე შუაში ჩადეთ ნუში და გააკეთეთ პატარა ბურთულა. ამოავლეთ ბურთი ქოქოსში ან კაკაოში. მოათავსეთ ტკბილეული ფართო თეფშზე, შეინახეთ მაცივარში დაახლოებით ერთი საათის განმავლობაში.
თუ თქვენ არ შეგიძლიათ გააკეთოთ რაიმე სიტკბოს გარეშე, გირჩევთ აირჩიოთ დამატკბობელი. მათი უმრავლესობა ნაკლებად კალორიულია და გემოვნებით თითქმის იგივეა, რაც შაქარი. ამასთან, გირჩევთ, რომ უარი თქვათ ამ ინგრედიენტზე მინიმუმ მცირე პერიოდის განმავლობაში, თუ წონას უფრთხილდებით და შედეგები უდავოდ გაგაოცებთ!
შენი ქსელი: შენი ექიმი · შენი ამბები
