რა საჭიროა ცომის სხვადასხვა რთული რეცეპტი, თუ არსებობს ერთი უნივერსალური რეცეპტი? ამ რეცეპტით მოხარშული ცომი ყოველთვის რბილი და ნაზი გამოდის, თითქმის არასდროს იხევა. ასეთი ცომისგან მომზადებული ვარენიკი ფორმას არასდროს დაკარგავს.
მოხარშული ცომი ვარენიკებისთვის
ჩვენ მოხარშული ცომის უნივერსალურ რეცეპტს გთავაზობთ, რომელიც თქვენს რეცეპტების წიგნში აუცილებლად მოხვდება. ცომი უჩვეულოდ სასიამოვნო და გემრიელია! პელმენები, ვარენიკები, ჩებურეკები წარმოუდგენლად გემრიელი გამოდის. ასეთი ცომისგან შეგიძლიათ სხვადასხვა ფორმები, ხინკალი, მანტი და ფენოვანი ღვეზელები მოამზადოთ.
ინგრედიენტები
3 ჭიქა ფქვილი
1.5 ჭიქა მდუღარე წყალი
1 კვერცხი
3 ს.კ. მზესუმზირის ზეთი
0,5 ჩ.კ. მარილი
მომზადება
გაცრილი ფქვილში მარილი აურიეთ. ჩაღრმავება გააკეთეთ და მზესუმზირას ზეთი ჩაასხით.
წყალი აადუღეთ და ფქვილს დაუმატეთ. ერთგვაროვანი მასის მიღებამდე მოზილეთ. ცომი ოდნავ გააგრილეთ, ამას დაახლოებით 5 წუთი სჭირდება.
ცალკე თასში კვერცხი ოდნავ ათქვიფეთ, რომ კვერცხის გული და ცილა გაერთიანდეს. ნარევი ცომს დაუმატეთ და მორევა დაიწყეთ. თავდაპირველ პატარა სეგმენტებად დაიყოფა, მაგრამ რამდენიმე წუთში ერთგვაროვანი, მოხარშული ცომი გამოგივათ.
ცომი 30 წუთით თასში გააჩერეთ. დააფარეთ პირსახოცი. ამ დროის განმავლობაში მომავალი კულინარიული შედევრისთვის შიგთავსი მოამზადეთ.
ცომი კი არა, სასწაულია! ერთი პორცია ცომისგან სხვადასხვა კერძების მომზადებას შეძლებთ: ვარენიკი ხაჭოთი, ჩებურეკი ხორცით… მასთან მუშაობა ნამდვილი სიამოვნებაა, მოხარშული ცომი რბილი, ნაზი და დამყოლი გამოდის. მზა კერძი ხარშვის, შეწვის და გაყინვის დროს ფორმას ინარჩუნებს.
რეცეპტი მარტივი, მაგრამ ძალიან გემრიელი კერძებისთვის გამოიყენება. ნუ დაკარგავთ დროს სამზარეულოში ქურასთან, უმჯობესია მზეზე გაისეირნოთ ან მეგობრებთან ერთად ბუნებაში გაატაროთ.
შეეცადეთ გააკეთოთ მარტივი მოხარშული საკონდიტრო ცომი და არ დაგავიწყდეთ, რომ გაუზიაროთ რეცეპტი თქვენს მეგობრებს სოციალურ ქსელებში!
შენი ქსელი: შენი ექიმი · შენი ამბები
