არის მომენტები, როცა ძალიან გვინდება ტკბილი, მაგრამ ვუფრთხილდებით ფიგურას. ტორტი, გამოცხობის გარეშე ასეთ დროს საუკეთესო ვარიანტია.
ძალიან შთამბეჭდავად გამოიყურება: შეუდარებელი ლიმონის ჟელე კარამელიზებული ქოქოსის ფანტელების “საბნის ქვეშ”. მისი დელიკატური გემო და უმსუბუქესი ტექსტურა ყველას მოეწონება, ვისაც მსუბუქი დესერტი უყვარს.
ტორტი “თოვლის ბუმბული”
ინგრედიენტები
ორცხობილა 100 გრ
ლიმონის ჟელე 2 ც
ხაჭო 500 გრ
შაქრის პუდრა 3 ს.კ.
ვანილის შაქარი 10 გრ
არაჟანი 250 გ
კარაქი 35 გ
შაქარი 35 გ
ქოქოსის ფანტელები 70 გრ
მომზადება
ლიმონის ჟელე გახსენით ცხელ წყალში და გააჩერეთ ოთახის ტემპერატურაზე. ხაჭო ათქვიფეთ კრემის მიღებამდე და აურიეთ არაჟანი, დააბლენდერეთ ერთად შაქრის პუდრა და ვანილის შაქარი. შემდეგ კოვზით დაუმატეთ ხაჭო-არაჟანს და ყველაფერი ათქვიფეთ ერთგვაროვან ფუმფულა მასად.
ცივი თხევადი ჟელე ჩავასხათ ხაჭო-არაჟნის მასაში, ავთქიფოთ დაბალი სიჩქარით.
ფორმას დააფინეთ პაკეტი, მასზე მოათავსეთ ორცხობილა და ზემოდან ხაჭოს მასა. ტაფაზე გაალღვეთ გარაქი, დაუმატეთ შაქარი და ქოქოსი. კარგად მოთუშეთ, გააგრილეთ.
ხაჭოს ფენას მოაყარეთ შემწვარი ქოქოსი და ჟელეს ნამცხვარი მაცივარში გააცივეთ მთელი ღამით.
თუ თქვენს ოჯახს არ მოსწონს ქოქოსის ფანტელები, შეგიძლიათ შეცვალოთ და გამოიყენოთ დაჭრილი თხილი, გახეხილი შოკოლადი, დაფხვნილი ორცხობილა ან ნუში. ასეთი დესერტით, თავს მეშვიდე ცაზე იგრძნობთ! გემრიელი, ორიგინალური, ლამაზი, ზედმეტი პრობლემების გარეშე.
