კომბოსტოს და თევზის ღვეზელი
ურალში ეს ღვეზელი ყველა ოჯახში არის ცნობილი. თუ დღისით სამზარეულოში მისი მადისაღმძვრელი სუნი ტრიალებს, იცოდეთ, რომ ამ სახლში სტუმრები არიან ან დაგეგმილია დღესასწაული. არომატული ღვეზელი ნაზი ცომის თხელი ფენით და კომბოსტოსა და თევზის წვნიანი შემავსებლით გემრიელია როგორც ცივი ასევე ცხელი. თუ გსურთ საკუთარ თავს და თქვენს ოჯახს გემრიელი ნამცხვრებით გაუმასპინძლდეთ, აუცილებლად უნდა სცადოთ კომბოსტოსა და თევზის ღვეზელის ეს რეცეპტი. ნოყიერი, მარტივი და გემრიელი!
ინგრედიენტები
თევზის ფილე 700 გ
თეთრი კომბოსტო 1300 გ
კარაქი 100 გ
მზესუმზირის ზეთი 5 ს.კ.
ხახვი 2 ცალი
ხორბლის ფქვილი 500 გრ
რძე 200 მლ
კვერცხი 1 ც
მშრალი საფუარი 1,5 ჩ / კ
მარილი 1 ს.კ.
მომზადება
გასცერით ხორბლის ფქვილი თასში, ჩაასხით თბილი რძე, კვერცხი, 2 ს.კ. მზესუმზირის ზეთი, დაუმატეთ საფუარი და 1 ჩ.კ. მარილი. მოზილეთ ცომი, მოათავსეთ ცელოფანში და გააჩერეთ 30 წუთი.
ხახვი დავჭრათ ნახევრად რგოლებად და შევწვათ მზესუმზირის ზეთში. დაამატეთ გახეხილი კომბოსტო და გააჩერეთ ნელ ცეცხლზე. შეაზავეთ მარილით ბოსტნეული, დააფარეთ და მოხარშეთ კიდევ 3 წუთი, გადმოდგით ცეცხლიდან და გააცივეთ.
დაჭერით თევზი ნაჭრებად, მარილით, პილპილით დაამარინადეთ 10 წუთის განმავლობაში. გაციებული კომბოსტო გაწურეთ სითხისგან. ჩართეთ ღუმელი 180 გრადუსზე.
ცომი გაყავით ორ არათანაბარ ნაწილად. გააბრტყელეთ დიდი ნაწილი და განათავსეთ პერგამენტებით მოპირკეთებულ საცხობ ფორმაზე. დაამატეთ 2/3 კომბოსტო, თევზის ნაჭრები და კარაქი, მოაყარეთ დარჩენილი კომბოსტო. დაფარეთ ღვეზელი ცომის მეორე ფენით, დაამაგრეთ კიდეები და გააკეთეთ ჭრილი ცენტრში.
ზემოდან წაუსვით ათქვეფილი კვერცხი და გამოაცხვეთ ღუმელში 40 წუთის განმავლობაში. მზა ღვეზელს წაუსვით კარაქის ნაჭერი, გადააფარეთ ფოლგა და გააჩერეთ კიდევ 20 წუთი.
თევზი შეიძლება იყოს ნედლი ან დაკონსერვებული, კომბოსტო – მჟავე ან ახალი, ცომი – საფუარით ან მის გარეშე.
გაუზიარეთ მეგობრებს ეს რეცეპტი, სცადეთ ახლავე და მიირთვით გემრიელად!
შენი ქსელი: შენი ექიმი · შენი ამბები
