სწორი ღვინის ჭიქის არჩევა შეიძლება იყოს პირადი უპირატესობის საკითხი. მაგრამ მეღვინეობის მრეწველები გვირჩევენ: ან ერთი ჭიქა უნდა გამოიყენოთ ყველა ღვინისთვის, ან უნდა გქონდეთ ცალკე ღვინის ჭიქა თითოეული ნაზავისა და ყურძნის ჯიშისთვის.
გასული ათი წლის განმავლობაში ვნახეთ ღვინის ჭიქის შუშის ფორმების გაფართოება, რომელიც განსხვავდება ბიუჯეტურიდან დაწყებული ექსტრავაგანტულ სტილამდე, რამაც შეიძლება არჩევანის გაკეთებაში შეგვაფერხოს.
ღვინის ჭიქის სტილს, ფორმასა და სისქეს შეუძლია გადამწყვეტი როლი ითამაშოს ღვინის წარმოდგენასა და გემოში. მიუხედავად იმისა, რომ ბევრი მეღვინე ამტკიცებს, რომ ღვინო თავად არის ყველაზე მნიშვნელოვანი ასპექტი და რომ არცერთი მინის ჭურჭელი არ გააუმჯობესებს ცუდად დამზადებულ ნარევს, სწორი ჭიქის მიღებამ შეიძლება გავლენა მოახდინოს თქვენს შეფასებასა და სიამოვნებაზე ნებისმიერი ღვინის მიმართ.
ყველა ღვინო, განურჩევლად ტიპისა (წითელი, თეთრი, ვარდისფერი, ცქრიალა და გამაგრებული) შეიცავს მნიშვნელოვან არომატებს.
ღვინის არომატის შესწავლას შეძლებთ სწორი ჭიქის არჩევით.
სამი რამ, რაც გასათვალისწინებელია სწორი ღვინის ჭიქის არჩევისას:
- ჭიქის ფორმა
- ჭიქის სისქე
- ჭიქის ფეხი
ღვინის ჭიქის ფორმა
თასის ფორმა გავლენას ახდენს ღვინოში ჰაერის რაოდენობაზე, რაც მოქმედებს არომატსა და გემოზე.
პატარა თასი ართულებს არომატის შეგრძნებას. პატარა ჭიქიდან გასინჯვისას თქვენ შეამჩნევთ უფრო მეტ სურნელს, რომელიც ცხვირისკენ იგრძნობა, ფართო თასით ნაკლებად გრძნობთ სურნელს. როგორც წესი, წითელი ღვინოის სახეობები, უფრო თამამ არომატებს შეიცავს, რომლებსაც მეტი აერაცია სჭირდებათ გემოს გასათავისუფლებლად. სწორედ ამ მიზნით, უფრო განიერი თასი საშუალებას იძლევა მეტი ჟანგბადი მივიდეს ღვინომდე.
შამპანური და ცქრიალა ღვინოები საუკეთესოდ თავსდება ვიწრო ჭიქაში, რადგან შეინარჩუნონ გაზი, რომელიც შეიძლება დაიკარგოს ფართო თასში. თუმცა, არსებობს გარკვეული
ღვინის ჭიქის სისქე
ღვინის ჭიქის მინის სისქემ შეიძლება შეაფერხოს ღვინის გლუვი ნაკადი როდესაც მას მივირთმევთ. წვრილად მოჭრილი რგოლი ტუჩს საშუალებას მისცემს ღვინოს უფრო შეუფერხებლად მიაღწიოს თქვენს გემოვნებამდე, ვიდრე სქელი ჭიქიდან დალეულით.
ღვინის ჭიქის ფეხი
ღვინის ჭურჭელის ფეხიანი ჭიქა ტრადიციული არჩევანია. მაგრამ ეს ყველაფერი არ არის გარეგნობის გულისთვის. ღვინის ტემპერატურამ შეიძლება გავლენა მოახდინოს მისი არომატისა და მჟავიანობის აღქმაზე. ჭიქის სიმაღლემ შეიძლება შეაჩეროს ღვინის ტემპერატურის აწევა. ეს რჩევა მნიშვნელოვანია მათთვის, ვისაც უყვარს თეთრი ღვინის სახეობები. ჭიქის დაჭერამ შეიძლება გამოიწვიოს ტემპერატურის აწევა ხელებისგან, რაც ნაკლებად აწუხებს წითელ ღვინოს, ვიდრე თეთრს.
ერთი ჭიქა სხვადასხვა სახეობის ღვინისთვის თუ განსხვავებული ყველა სახეობისთვის?
ყველას არ შეუძლია შეინახოს სხვადასხვა ჭიქები განსხვავებული სახეობის ღვინოებისთვის, მაგრამ უმჯობესია თუ წითელი და თეთრი ღვინის ჭიქები განსხვავენულუ იქნება.
თუმცა შეგიძლიათ, ერთი ჭიქის არჩევა ყველა სახეობისთბის, რომლის ფორმაც ღვინის რამდენიმე სტილს უხდება – ეს შეიძლება უფრო მომგებიანიც კი იყოს. ეს ყველაფერი საბოლოოდ თქვენი გემოვნების ამბავია.
ავტორი: ანი დავიდიანი
შენი ქსელი: შენი ექიმი · შენი ამბები
