“შენისუფრა” დაუკავშივრდა სოციალურ ქსელებში პოპულარულ ვლოგერს “Tatiana’s kitchen”, რომელსაც ვთხოვეთ ჩვენთვის განსაკუთრებული, საავტორო რეცეპტი გაეზიარებინა. ტატიანამ საკუთარ თავზეც გვიამბო:
“მე ვარ ტატიანა კვეკვესკირი, ვარ 2 გურული ბიჭის დედა, პროფესიით თარჯიმან-რეფერენტი. კულინარია ჩემი ჰობია. წელს ავიხდინე ოცნება და ჩემი საკუთარი კულინარიული წიგნი დავბეჭდე. ძალიან ბევრს ვმოგზაურობ და ყოველი მოგზაურობიდან სიახლე მომაქვს ჩემს სამზარეულოში. ვარ ძალიან პოზიტიური და მოუსვენარი ადამიანი, სულ რაღაც ახლის ძიებაში ვარ. აგრეთვე, მიყვარს ცხოველები, მყავს კატა, ძაღლი, სამი დიდი და სამი პატარა კუ, ეს ყველაფერი ეზოში, რა თქმა უნდა. მოკლედ დიდი სახლის პატრა დიასახლისი ვარ.
ახლა კი დაპირებული რეცეპტი ექსკლუზიურად “შენისუფრისთვის”:
კვალამ-კვარეფი
(მეგრული ყველიანი კვერები)
როგორც ყველა ნებისმიერ კერძს, ამასაც ყველა თავისებურად ამზადებს. მეც ჩემებურ ვერსიას შემოგთავაზებთ.
ინგრედიენტები:
ცომი:
1 ც კვერცხი
2ს/კ ზეთი
1 ჭ ადუღებული წყალი
ფქვილი 2,5 -3 ჭიქა შეიძლება მეტიც დაგჭირდეთ
გულსართი:
300 ნადუღი
500 გრ მარილიანი სულუგუნი
100 გრ კარაქი
2 ქ მაწონი
2ს/კ პიტნის აჯიკა, პიტნა, ნიორი, მწარე წიწაკა, მარილი
მომზადება:
მოვზილოთ ცომი… თავიდან ხის კოვზით მოვურიე და ოდნავ რომ შეთბა, ხელით გავაგრძელე ზელვა. ცომი ძალიან ელასტიური გამოდის და არ არსებობს, რომ ხარშვის დროს გასკდეს კვერი. ცომს ვასვენებთ… მანამდე მოვამზადე გულსართი: გავხეხე სულუგუნი, შევურიე ნადუღი და კარაქი. სტანდარტულად გავაბრტყელე ცომი, მოვათავსე გულსართი, მივეცი შესაბამისი ფორმა და მოვხარშე მარილიან წყალში.
ცალკე ჯამში მოვათავსე მაწონი და შევურიე პიტნის აჯიკა. მოხარშული კვერები მოვათავსე მაწვნის მასაში და ზემოდან მოვასხი გამდნარი კარაქი.
უგემრიელესი კერძიც მზად არის. ისიამოვნეთ ამ გემრიელობით.
გაამოთ!
ავტორი: მაგდა ალანია
შენი ქსელი: შენი ექიმი · შენი ამბები
