საუკუნეების განმავლობაში ხელოვნება ადამიანებისთვის თვითგამოხატვის უალტერნატივო საშუალებაა… მნიშვნელობა არ აქვს კონკრეტული ინდივიდი ჰარმონიაშია თუ წინააღმდეგობაში მის ირგვლივ არსებულ გარემოებებთან, იგი გამუდმებით ესწრაფვის ასახოს და სხვებს გადასცეს ის, რასაც შინაგანად განიცდის. გადმოცემის ხერხები მუდამ განსხვავდებოდა ერთმანეთისგან. მითუმეტეს, რომ დროთაგანმავლობაში ადამიანები გამუდმებით ეძებენ და პოულობენ ახალ ხერხებს, რითაც შემქნიან თავიანთ ხელოვნებას.
თანამედროვე ხელოვნება ყველაზე კარგი მაგალითია იმისა, თუ რამდენი ახალი გამომსახველობითი ფორმა შეიმუშავეს არტისტებმა. ეს გამომსახველობითი ფორმები კი, რაღაც მხრივ, ყოველთვის არის ძველის ახლებური ვარიაცია. სწორედ თანამედროვე ხელოვნების ერთ-ერთი მნიშნელოვანი შემადგენელი ნაწილია “სტრიტ არტიც”. მას გრძელი და კონტრვერსიული ისტორია აქვს, რადგან გამომდინარე მისი ბუნებიდან, მის ირგვლივ მუდამ იყო დისკუსიები იმის შესახებ, მსგავსი გამომხატველობითი ფორმა ხელოვნებას განეკუთვნებოდა თუ, უბრალოდ, ვანდალიზმის მორიგ გამოვლინებად უნდა ჩათვლილიყო.
ისტორიული ფესვები რომში
სტრიტ არტის ჩანასახები ათასობით წლის წინ უნდა ვეძიოთ, როდესაც ჯერ კიდევ გამოქვაბულებში მცხოვრებ პირველყოფილ ადამიანებს უჩნდებოდათ სურვილი, რომ თავიანთი ცხოვრება პრიმიტიული ნახატებით აესახათ კედლებზე. ასე შემორჩა უძველეს კედლებს ამოტვიფრული თუ დახატული ნადირობისა და ყოველდღიური ცხოვრების ამსახველი მარტივი სცენები. კედლებზე ხატვის სურვილი ადამიანს არც წლების მერე განელებია. მაგალითად, ძველ რომში მოსახლეობისთვის კედელებს ერთგვარი სოციალური მედიის ფუნქცია ჰქონდა. ადგილობრივები ყოველდღიურად კაწრავდნენ კედლებზე სხვადასხვა ფრაზებს, პოლიტიკურ სლოგანებს, ინფორმაციას მიმდინარე მოვლენებზე და თავიანთ საყვარელ გლადიატორებსა და ჩემპიონებს შეტყობინებებსაც კი ამ გზით უტოვებდნენ. ამგვარად კედლებზე გრაფიტით გამოსახული სლოგანები, პროტესტი და სოციალური თუ პოლიტიკური კომენტარები თანამედროვე სტრიტ არტის წინამორბედია და ერთის მხრივ, ყველაფერი ეს ჯერ კიდევ განაგრძობს სტრიტ არტის ერთ-ერთ დამოუკდიებელ ჟანრად არსებობას. კითხვის გაგრძელება
#gochadze #drpkhakadze #sheniambebi #sheniinterieri
