როგორ მოვამზადოთ “მედოკი” ტაფაზე:
მედოკი და მისი უპირატესობა ისაა რომ მისი მომზადება ტაფაზეც შესაძლებელია, რაც განსაკუთრებით მოსახერხებელია მათთვის, ვისაც ღუმელი არ აქვს. ნამცხვარი გამოდის ნაზი, რბილი, არომატული ფენებითა და გემრიელი ნაღების და შესქელებული რძის კრემით. ასეთი დესერტი პირში დნება და იდეალურად უხდება თბილ ოჯახურ გარემოს.
დაგჭირდებათ: ფქვილი – 450 გ. ქათმის კვერცხი – 2 ცალი. კარაქი – 150 გ. თაფლი – 100 გ. შაქარი – 100 გ. სოდა – 1 ჩ/კ. მცენარეული ზეთი (წასასმელად) ნაღები (25-30%) – 400 გ. შესქელებული რძე – 120 გ.
ნაზავის მომზადება: პატარა ქვაბში ჩადეთ კარაქი და თაფლი, გააცხელეთ დაბალ ცეცხლზე და დაუმატეთ სოდა. ნაზავი გადმოიღეთ ცეცხლიდან.
კვერცხები შაქართან ერთად ათქვიფეთ ბლენდერით, დაამატეთ ფქვილი და თაფლიანი მასა. მოზილეთ ერთგვაროვანი ცომი, გაყავით ექვს ნაწილად და თითოეული გადაახვიეთ საკვებ პარკში. ცომის ბურთულები მოათავსეთ მაცივარში 30 წუთით.
ფენების მომზადება: სამუშაო ზედაპირზე გაშალეთ პერგამენტის ქაღალდი. თითო ბურთულა გააბრტყელეთ წვრილ ფენად. გაცხელებულ ტაფას წაუსვით მცენარეული ზეთი და თითო ფენა გამოაცხვეთ ორივე მხრიდან, სანამ ოქროსფერს არ მიიღებს. მზა ფენები მოათავსეთ ხის დაფაზე, დაადეთ მრგვალი ფორმა და ამოჭერით მრგვლად, დარჩენილი ნაჭრები კი შეინახეთ და შემდეგ აქციეთ ნაფხვენებად.
კრემის მომზადება: ნაღებს დაუმატეთ შესქელებული რძე და ათქვიფეთ მიქსერით.
ტორტის აწყობა: თითოეულ ფენას წაუსვით ნაღების კრემი, ფენები და ნამცხვრის გვერდები კრემით დაფარეთ. ზემოდან და გვერდებზე მოაყარეთ წინასწარ მომზადებული ნაფხვენი.
ნამცხვარი მაცივარში შედგით ორი საათით, რათა კარგად გაჟღინთოს და იდეალური გემო მიიღოს.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
