ჩვენს ოჯახში ყველა ტკბილეულის მოყვარულია, ის დღე არ ითვლება, თუ ტკბილი ნამცხვარი, ტორტი ან გემრიელი შოკოლადი არ არის. ამიტომ მიწევს, წინასწარ ვიფიქრო დესერტის მომზადებაზე.
თურქეთში დასვენების დროს გავსინჯეთ ტულუმბა შაქრის სიროფში, ქმარი და შვილები ისეთი აღფრთოვანებულები იყვნენ, რომ ჩამოსვლისთანავე მომიწია მომზადება და ორიგინალზე ნაკლები არ გამოვიდა.
გირჩევთ, აუცილებლად სცადოთ!
ტ უ ლ უ მ ბ ა
ინგრედიენტები
ხორბლის ფქვილი 250 გ
კვერცხი 4 ცალი.
კარაქი 80 გრ
წყალი 450 მლ
შაქარი 200 გ
ლიმონის წვენი 20 მლ
მზესუმზირის ზეთი 300 მლ
მომზადება
საშუალო ქვაბში მოათავსეთ კარაქი 250 მლ წყალთან ერთად, ადუღეთ დაბალ ცეცხლზე 1-2 წუთის განმავლობაში. შემდეგ დაამატეთ გაცრილი ფქვილი და მუდმივად ურიეთ ხის კოვზით, მოამზადეთ ერთიანი ცომი, ისე რომ ქვაბის კედლებს ადვილად სცილდებოდეს. ვისაც შუები გამოუცხვია, ეცოდეინება, როგორი უნდა იყოს მასა.
მიღებული მასა შეაგრილეთ, თითო-თითოდ შეაზილეთ კვერცხი კარგად. ნარევი მოათავსეთ საკონდიტრო ტომარაში.
ღრმა ტაფაში გააცხელეთ ცხიმი და დასვით ცომის მოგრძო ძეხვები ისე, რომ ერთმანეთს არ ეხებოდეს. შეწვით გაწითლებამდე ყველა მხარეს. შემწვარი ტულუმბე მოათავსეთ ქაღალდის ხელსახოცზე, რომ ზედმეტი ცხიმი მოსცილდეს.
შეურიეთ ლიმონის წვენი და შაქარი 200 მლ წყალში და საშუალო ცეცხლზე მოხარშეთ. ადუღეთ დაახლოებით 15 წუთის განმავლობაში.
მოათავსეთ ტულუმბა სიროფში და დატოვეთ 10 წუთი, რომ კარგად გაიჟღინთოს.
მიირთვით დესერტი ჩაის ან ყავასთან ერთად. შეგიძლიათ მოაყაროთ მუქი შოკოლადი ან დაჭრილი კაკალი – ასე რომ გემო კიდევ უფრო გამოკვეთილი იქნება. სიამოვნებით მოამზადეთ და ნუ შეგეშინდებათ ექსპერიმენტის სამზარეულოში ჩვენთან ერთად!
