ლავაშს იყენებენ პურის სახით, ფენოვანი ღვეზელებისთვის, ცივ საუზმეებსა და ლაზანიებშიც კი. ყველას გვიყვარს ცომეული, თუმცა მაქსიმალურად უნდა შევიზღუდოთ თავი საფუვრის ცომის მირთმევისგან, რადგან ის, როგორც მოგეხსენებათ, ძალიან საზიანოა ჩვენი ფიგურისთვის. გთავაზობთ რეცეპტს, რომლის მიხედვითაც ადვილია ლავაშის მომზადება სახლში.
ფირფიტები გამოდის ელასტიური, არომატული და ადვილად იხვევა. დაგჭირდებათ მხოლოდ ოთხი ინგრედიენტი. ის ჩვეულებრივი პურის კარგი ალტერნატივაცაა და საუკეთესო მასალა რულეტების მოსამზადებლად.
როგორ მოვამზადოთ ლავაში
ინგრედიენტები
ხორბლის ფქვილი 350 გრ.
ცხელი წყალი 200მლ
ზეთი 2 ს.კ
მარილი 0,5 ჩ.კ.
მომზადება
ფქვილი ჩაყარეთ სუფთა მშრალ ჯამში. შუაში გააკეთეთ ჩაღრმავება.
ჩაასხით მასში ზეთი, დაამატეთ მარილი და ნელ-ნელა ცხელი წყალი. ფრთხილად აურიეთ.
მოზილეთ ცომი ხელით, 4-5 წუთის განმავლობაში, სანამ არ გასქელდება.
შეახვიეთ ცომი საკვებ ცელოფანში და დატოვეთ 15-30 წუთით.
ცომს მიეცით ძეხვის ფორმა და დაჭერით 8-10 ტოლ ნაწილად. თითოეული ნაჭრისგან გააკეთეთ პატარა ფირფიტა, ამოავლეთ ფქვილში და შემდეგ გააბრტყელეთ 1-2 მილიმეტრი სისქის მრგვალი ლავაშის სახით.
დააწყეთ ფირფიტები მორიგეობით, კარგად გაცხელებულ ტაფაზე და გამოაცხვეთ საშუალო ცეცხლზე, 20-30 წუთით, ორივე მხარეს.
მზა ფირფიტები დააწყვეთ ერთმანეთზე და დააფარეთ ტენიანი ჩაის ტილო, რომ არ გახმეს.
როგორც ხედავთ, მისი მომზადება საკმაოდ მარტივია. შინ გამომცხვარი ლავაში ყოველთვის უფრო გემრიელია, ვიდრე ნაყიდი. მას არ აქვს საფუარი და მისი შენახვა საყინულეში საკმაოდ დიდხანს შეგიძლიათ.
გამოიღეთ და გაუმასპინძლდით სტუმრებს.
თხელი ლავაში ისე გამოიყენეთ როგორც გსურთ, ჩადეთ მასში სასურველი შიგთავსი ან გამოიყენეთ პურის ნაცვლად.
შეინახეთ რეცეპტი და გაუზიარეთ მეგობრებს! ისინიც დააფასებენ ინგრედიენტების ხელმისაწვდომობასა და მომზადების სიმარტივეს.
შენი ქსელი: შენი ექიმი · შენი ამბები
