კუნელი – მისი სამკურნალო თვისებები
კუნელი განსაკუთრებული მნიშვნელობით გამოირჩეოდა ოდითგან. ძველ საბერძნეთში მას უძღვნიდნენ ჰიმენეოსს – ქორწინებისა და ოჯახის ღმერთს. გოგონები გათხოვების წინ გვირგვინებს სწორედ კუნელისგან ამზადებდნენ. ინგლისის მეფე რიჩარდ მესამემ თავისი გვირგვინი სწორედ კუნელის ბუჩქზე იპოვა, რის შემდეგაც ის მისი ემბლემა გახდა.
კუნელთან არის დაკავშირებული უამრავი ცრურწმენა. ბევრ ხალხში მიიჩნეოდა, რომ მას მაგიური თვისებები აქვს, რასაც თავის ეკლიან ტოტებს უნდა უმადლოდეს. მათი აზრით, ეკლები ბოროტი სულებისგან იცავდა მათ.
სამკურნალოდ იყენებენ მცენარის ნაყოფს, ყვავილებს, ფოთლებსა და ტოტებს.
კუნელი ბუნებრივი ბოტანიკური კარდიოტონიკია, მისი სამკურნალო თვისებები, პირველ რიგში, გულის დაავადებებს უკავშირდება. მას ახასიათებს სპაზმოლიტური მოქმედება, წმენდს ორგანიზმს სხვადასხვა მავნე ნივთიერებებისგან, მათ შორის, გამოდევნის მძიმე ლითონებს.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
