უნაზესი ჩიტის რძე ყველასთვის საყვარელი დესერტია, თუმცა ნაყიდ ტკბილეულში ბევრი კონსერვანტი და ასევე პალმის ზეთია, რომლებიც უარყოფითად მოქმედებს ღვიძლსა და პანკრეასზე.

უნაზესი ჩიტის რძე სჯობს მოამზადო სახლში, ნატურალური პროდუქტებისგან. სცადე და მოგეწონება!

ინგრედიენტები ტორტისთვის

2 პაკეტი ჟელატინი (თითო – 8 გრამიანი)
1 ჭიქა რძე
1 ჭიქა შაქარი
450 გ არაჟანი
450 გ გაციებული ათქვეფილი ნაღები
ცოტა ზეთი

ინგრედიენტები მინანქრისთვის

5 ს. კ. კაკაო
5 ს. კ. შაქარი
1 პაკეტი ჟელატინი
5 ს. კ. რძე
1 ჭიქა ცივი წყალი

მომზადება

1. 2 პაკეტი ჟელატინი და 1 ჭიქა რძე შეურიე. შეარჩიე ცეცხლგამძლე ჭურჭელი. დადგი ეს ნარევი რძესთან ერთად ცეცხლზე და ათქვიფე ორთქლის წარმოქმნამდე. რძე არ უნდა ადუღდეს. ქვაბი გადადგი გასაციებლად.

ჩიტის რძის ტორტის ინგრედიენტები - ჟელატინი, რძე, არაჟანი და ნაღები

2. მიქსერით ათქვიფე ერთი ჭიქა შაქარი, არაჟანი და ნაღები. ტორტის ფორმას წაუსვი ზეთი.

ათქვეფილი ნაღები და არაჟანი ჩიტის რძის მომზადებისთვის

3. ათქვეფილ ნაღებს თანდათან დაამატე ჟელატინიანი რძე. გააგრძელე თქვეფა ერთგვაროვანი მასის მიღებამდე.

4. ტორტის მზა მასა ჩაასხი ფორმაში. ზედაპირი მოასწორე. შედგი მაცივარში. ზემოდან დააფარე სახურავი ან სამზარეულოს პარკი.

შოკოლადის მინანქრის დასხმა ჩიტის რძის ტორტზე

5. ერთმანეთს შეურიე კაკაო, შაქარი და ჟელატინი. დაამატე რძე და წყალი და ათქვიფე მიქსერით. დადგი დაბალ ცეცხლზე და მიიყვანე ადუღებამდე. მინანქარი უნდა გახდეს გლუვი. გააციე.

მზა ჩიტის რძის ტორტი შოკოლადის მინანქრით