მანი ფაფა ბავშვების უმრავლესობას, და არამარტო მათ, არ უყვართ. თუმცა ისინი სიამოვნებით მიირთმევენ მანისგან მომზადებულ სხვადასხვა ტკბილეულს. მათ შორისაა მანის კომბინაცია ხაჭოსთან ერთად. ეს დესერტი მოსამზადებლად მარტივია და ამავე დროს, გამოდის უნაზესი ტექსტურის. თან, საკმაოდ ნოყიერია.
ინგრედიენტები
- 180 გ ხაჭო
- ორი ცალი კვერცხი
- 4 ს. კ. მანი
- ერთი ჩ. კ. გამაფხვიერებელი
- 3 ს. კ. არაჟანი
- 4 ს. კ. შაქარი
- ერთი მწიკვი ვანილი
მომზადება
- კვერცხის გული და ცილა გააცალკევე ერთმანეთისგან. გულს შეურიე ხაჭო, არაჟანი, ვანილი და შაქარი.
- ხაჭოს მასას დაამატე მანი და გამაფხვიერებელი. კარგად აურიე.
- ათქვიფე ცილა მდგრადი ქაფის წარმოქმნამდე და შეურიე ცომს ასეთი მიმართულებით – ქვემოდან ზემოთ. დატოვე ეს მასა ათი წუთით.
- საცხობ ფორმას წაუსვი კარაქი და გადაიტანე მასზე ცომი. გამოაცხე 180 გრადუს ტემპერატურაზე 45 წუთის მანძილზე.
ხაჭოსა და მანის ნამცხვარი უფრო საზეიმო ელფერს მიიღებს, თუ მას მოასხამთ შოკოლადის მინანქარს. ასევე უხდება ჯემი და მურაბა ან შედედებული რძე.
გემრიელად მიირთვით და გაუზიარეთ ეს საინტერესო რეცეპტი თქვენს მეგობრებსაც!
შენი ქსელი: შენი ექიმი · შენი ამბები
