ბევრი დიასახლისი რატომღაც ცდილობს თავიდან აირიდოს საფუარიანი ცომის მომზადების პროცესი და უფრო მარტივი რეცეპტები იპოვოს. დღეს გთავაზობთ ხრაშუნა მილაკების მომზადების ხერხს, როლებიც მზადდება არა გაფუებული ცომისგან – არამედ ხაჭოსგან. ამ დესერტის საიდუმლო ინგრედიენტი არის ქოქოსის ფანტელი, რომელიც ნამცხვარს ახალ საგემოვნო ელფერს სძენს.
ინგრედიენტები
- 250 გ ხაჭო
- ერთი მწიკვი მარილი
- 80 გ კარაქი
- 180 გ ფქვილი
- ერთი ჩ. კ. გამაფხვიერებელი
- 3 ს. კ. შაქარი
- ორი ს. კ. ქოქოსის ფანტელი
მომზადება
1. ხაჭო, მარილი და რბილი კარაქი შეურიე ერთმანეთს. ჩაჭყლიტე ჩანგლით ერთგვაროვანი მასის მიღებამდე.
2. ხაჭოს დაამატე გაცრილი ფქვილის ნახევარი და გამაფხვიერებელი. კარგად აურიე. შემდეგ თანდათან დაამატე დარჩენილი ფქვილი, მოზილე სქელი ცომი.
3. ცომი გაყავი ორ ნაწილად და გააბრტყელე. მიეცი რულეტის ფორმა. შემდეგ სწორკუთხედის ფორმად გააბრტყელე, რომლის სისქე იქნება 2-3 მმ. მოაჭერი ნაპირები.
4. ცომის თითოეულ ფირფიტას მოაყარე შაქარი და ქოქოსის ფანტელი. გადაახვიე რულეტივით, რაც შეიძლება მჭიდროდ.
5. რულეტი დაჭერი 5 სმ სიგრძის ნაჭრებად. ხვეულები დაალაგე პერგამენტიან საცხობზე და გამოაცხე 180 გრადუსზე 20 წუთის მანძილზე.
შეგიძლია ნამცხვარს მოაყარო შაქრის პუდრა. სინჯე და თავად დარწმუნდები, თუ როგორ არომატს ანიჭებს ქოქოსის გემო ამ დესერტს და როგორი ნაზი სტრუქტურისაა ის.
გაუზიარე რეცეპტი შენს მეგობრებსაც!
