“პანი ვალევსკა” – ლეგენდარული პოლონური ტორტი. ამ შესანიშნავი დესერტის ისტორია დაკავშირებულია პოლონელ გრაფინია მარია ვალევსკასთან. ამბობენ, რომ იგი ნაპოლეონის საყვარელი ქალი და მისი შვილის დედა გახლდათ. პოლონელები მათ შესახებ რომანტიკულ ისტორიებს ყვებიან.

პანი -ვალევსკა

ცომი
ფქვილი 300 გრ
კარაქი 200 გრ
კვერცხის გული 4ცალი
შაქარი 3ს/კ
ვანილი
გამაფხვიერებელი ან სოდა 1ჩ/კ

ბეზე
4კვერცხის ცილა
1ჭიქა შაქარი
სახამებელი 1ს/კ
მოცხარის ჯემი
მოხალული მიწის თხილი ან ნიგოზი

კრემი
რძე 400 გრ
კვერცხი 2 ცალი
ვანილი
შაქარი 5ს/კ
სახამებელი 2ს/კ
კარაქი 150 გრ

ფქვილს დავამატოთ შაქარი, გამაფხვიერებელი, ვანილი და ხელით ავსრისოთ ოთახის ტემპერატურის კარაქთან ერთად. თანდათან დავამატოთ კვერცხის გულები და მოვზილოთ ნაზი, რბილი ცომი.
ცომი გავაბრტყელოთ ხელით ქაღალდდაფენილ ჟარონაზე(37×25) და გამოვაცხოთ წინასწარ გახურებულ ღუმელში 160გრადუსზე  10 წუთით.
ამასობაში გავაკეთოთ ბეზე.ა მისათვის კვერცხის ცილა და შაქარი ავთქვიფოთ კარგად გამყარებამდე, დავამატოთ სახამებელი.
გამოვიტანოთ ცომი, ცხელსვე წავუსვათ ჯემი გემოვნების მიხედვით რაოდენობა, დავადოთ ბეზე და წვრილად დაჭრილი მოხალული თხილი ან ნიგოზი
შევაბრუნოთ ისევ ღუმელში და ვაცხოთ 150 გრადუსზე  30 წთ.
კრემისათვის კვერცხი, შაქარი, ვანილი და სახამებელი ავურიოთ ერთმანეთში, გავხსნათ კარგად ცხელ რძეში და დავდგათ გაზზე. ვურიოთ სანამ მასა კარგად არ გასქელდება.
ავთქვიფოთ კარაქი და თანდათან დავამატოთ შეგრილებული ფაფა.
გამომცვარი ფირფიტა გავაციოთ ბოლომდე, გავჭრათ ვერტიკალურად ორ ტოლ ნაწილად. პირველ ფენას წავუსვათ კრემი, დავადოთ მეორე ფენა და გვერდებზე წავუსვათ მორჩენილი კრემი და თხილი.
ფირფიტაზე ბეზეს წასმის შემდეგ გრადუსს დაუწიეთ 150ზე ქვევით, ბეზე რომ არ დაგეწვათ, რადგან ყველა ღუმელი ინდივიდუალურია.