ოცი წლის წინ ჟურნალში ამოვიკითხე თაფლიანი პეჩენიების რეცეპტი. მას შემდეგ ვაცხობ დიდი პორციებით, ნაწილს პატარა გურმანებს ვატან სკოლაში, დანარჩენით ბებოს ვუმასპინძლდები ჩაიზე. პეჩენია სულაც არ არის ხრაშუნა და მაგარი, პირიქით რბილი და ფაფუკია, ვათავსებ კონტეინერში და დიდხანს ინახება.
თაფლის პეჩენია
ინგრედიენტები:
300 გ ფქვილი
2 ს/კ. თაფლი
150 გრამი შაქრის ფხვნილი
2 კვერცხი
1 ჩ/კ. დარიჩინი
1/2ჩ/კ. მუსკატის კაკალი
1/2 ჩ/კ. სოდა
მწიკვი მარილი
მომზადება:
ორთქლის აბაზანაზე გაადნეთ თაფლი, დაუმატეთ შაქრის პუდრა, სანელებლები, სოდა, კვერცხი.
ნელა დაამატეთ ფქვილი. ნუ შეგეშინდებათ თუ ცომი წებოვანი გამოვა.
საცხობ ფორმაზე დააფინეთ პერგამენტის ქაღალდი, წაუსვით ცხიმი. სველი ხელით გააკეთეთ ცომით პატარა გუნდები და დააწყეთ ქაღალდზე.
ზომაში იმატებს გამოცხობის დროს, ამიტომ ერთმანეთთან ძალიან ახლოს არ მოათავსოთ.
შედგით ღუმელში და გამოაცხეთ 180 გრადუსზე 2-30 წუთი.
კარგად გააციეთ და შეინახეთ თავდახურულ კონტეინერში.
გემრიელად მიირთვით!
შეინახეთ თაფლის დარიჩინიანი პეჩენიის რეცეპტი და გაუზიარეთ მეგობრებს!
