სამარხვო ნამცხვრის რეცეპტი კვერცხისა და რძის გარეშე

{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}

ავტორი

ნინო ბერიძე

გამოქვეყნებული: ივლისი 29, 2026

ზოგჯერ გვწყინდება მკაცრი დიეტები და გვინდება რაღაც ტკბილისა და კალორიულის მიღება. თუმცა თუკი საქმე მარხვას ეხება, სჯობს მოვამზადოთ სამარხვო ნამცვარი

დიდმარხვის პერიოდში გვიწევს გარკვეული შეზღუდვების დაწესება რაციონში, თუმცა შეგვიძლია არასამარხვო ტკბილეული სამარხვოთი ჩავანაცვლოთ. ჩვენი რედაქცია გაგიმხელთ ერთი რევეპტის მომზადების საიდუმლოს.

მარტივი სამარხვო ნამცხვარი

სახლში მოსამზადებელი ტორტი ,,ზებრა”

ინგრედიენტები თეთრი ფენისთვის

150 გ შაქარი
ერთი ჩაის კოვზი გამაფხვიერებელი
ერთი მწიკვი მარილი
300 გ ფქვილი
200 მლ წყალი ან ბანანის წვენი
ერთი ბანანი

ინგრედიენტები შოკოლადის ფენისთვის

150 გ შაქარი
ერთი ჩაის კოვზი გამაფხვიერებელი
ერთი მწიკვი მარილი
100 გ კაკაო
200 მლ წყალი ან ყავა

მომზადება

1. ჩანგლით ჩაჭყლიტეთ მწიფე ბანანი და შეურიეთ წყალს ან წვენს, შემდეგ მასში ჩაყარეთ შაქარი, მარილი, გამაფხვიერებელი და ფქვილი. გულმოდგინედ აურიეთ ყველა ინგრედიენტი.

2. შოკოლადის ფენისთვის ცომს იგივენაირად ვამზადებთ, უბრალოდ მისი ინგრედიენტები სხვა თასში შეურიეთ.

3. თუ წინასწარ მოამზადეთ ფორმა, ჩადეთ მასში ცომი. ეს შეგიძლიათ გააკეთოთ თეთრი და შოკოლადის ფენების მონაცვლეობით. უფრო საინტერესო სახის მისაცემად, შეგიძლიათ გამოიყენოთ ჩანგალი, უბრალოდ გაავლეთ ხაზები და ალაგ-ალაგ შეურიეთ ფენები.

4. გააცხელეთ ღუმელი 200 გრადუსამდე და შედგით ნამცხვარი გამოსაცხობად 40-45 წუთით.

თუ შეიგრძენით სასიამოვნო არომატი, ეს იმას ნიშნავს, რომ გემრიელი და სამარხვო ნამცხვარი მზად არის, რათა გაგახაროთ თქვენ და თქვენი ოჯახი. გამოიღეთ ეს შესანიშნავი დესერტი ღუმელიდან და დაიწყეთ მისი დაგემოვნება.